Lekin quyida siz uchun eng yaxshi takliflarimizni jamlaganmiz
KataloggaLekin quyida siz uchun eng yaxshi takliflarimizni jamlaganmiz
KataloggaLekin quyida siz uchun eng yaxshi takliflarimizni jamlaganmiz
KataloggaLekin quyida siz uchun eng yaxshi takliflarimizni jamlaganmiz
KataloggaLekin quyida siz uchun eng yaxshi takliflarimizni jamlaganmiz
KataloggaKatta keshbek kunlari!
11.06.2026 dan 31.12.2026 gacha amal qiladi
"Katta keshbek kunlari" dasturi qanday ishlaydi?
1. Umumiy qoidalar
1.1. Ushbu hujjat ommaviy oferta (keyingi o‘rinlarda — “Oferta”) hisoblanadi va “Katta keshbek kunlari” aksiyasini (keyingi o‘rinlarda — “Aksiya”) o‘tkazish shartlarini belgilaydi.
1.2. Aksiyaning Tashkilotchisi savdo tarmog‘i (keyingi o‘rinlarda — “Tashkilotchi”) hisoblanadi.
1.3. Aksiyada ishtirok etish Ishtirokchi tomonidan ushbu Oferta shartlarini to‘liq va so‘zsiz qabul qilishni anglatadi.
2. Aksiyani o‘tkazish davri
2.1. Aksiya Tashkilotchi tomonidan belgilanadigan muddatlarda o‘tkaziladi.
2.2. Aksiya doirasida har kuni yuqori keshbek taqdim etiladigan bir yoki bir nechta mahsulot toifalari (keyingi o‘rinlarda — “Kun toifasi”) belgilanadi.
3. Kun toifasini belgilash
3.1. Kun toifasi Tashkilotchi tomonidan mustaqil ravishda belgilanadi va har kuni yangilanadi.
3.2. Amaldagi Kun toifasi haqidagi ma’lumotlar Ishtirokchilarga mobil ilova, rasmiy sayt hamda Tashkilotchining boshqa aloqa kanallari orqali yetkaziladi.
4. Ishtirok etish shartlari
4.1. Aksiyaning Ishtirokchisi (keyingi o‘rinlarda — “Ishtirokchi”) bo‘lib Tashkilotchining Korzinka Plus dasturida ro‘yxatdan o‘tgan jismoniy shaxs hisoblanadi.
4.2. Aksiyada ishtirok etish uchun Korzinka Plus kartasidan foydalangan holda Kun toifasiga kiruvchi mahsulotlarni xarid qilish zarur.
5. Keshbekni hisoblash tartibi
5.1. Kun toifasiga kiruvchi mahsulotlar xarid qilinganda, Ishtirokchiga Tashkilotchi tomonidan belgilangan miqdorda yuqori keshbek hisoblanadi.
5.2. Keshbek Korzinka Plus dasturi qoidalariga muvofiq Ishtirokchining bonus hisobiga o‘tkaziladi.
5.3. Keshbek miqdori Aksiya o‘tkazilayotgan turli kunlarda farq qilishi mumkin. Korzinka Plus dasturi bo‘yicha standart keshbek miqdori xarid summasidan 1% ni tashkil etadi. Aksiya davrida ayrim mahsulotlar/mahsulot toifalari uchun yuqori keshbek miqdori belgilanishi mumkin, uning miqdori Aksiya Tashkilotchisi tomonidan belgilanadi va savdo nuqtalaridagi reklama-axborot materiallari va/yoki boshqa aloqa kanallari orqali ishtirokchilarga yetkaziladi.
6. Kun toifasining amal qilish muddati
6.1. Kun toifasi bir kalendar kuni davomida — mahalliy vaqt bilan soat 00:00 dan 23:59 gacha amal qiladi.
6.2. Ko‘rsatilgan muddat tugagach, Kun toifasi avtomatik ravishda yangisiga almashadi.
7. Cheklovlar va qo‘llash shartlari
7.1. Yuqori keshbek faqatgina Kun toifasiga kiruvchi mahsulotlarga nisbatan qo‘llaniladi.
7.2. Tashkilotchi Kun toifasi ichidagi mahsulotlar ro‘yxatini cheklash huquqiga ega.
7.3. Ayrim toifalar bo‘yicha cheklov belgilanishi mumkin: yuqori keshbek bir kun davomida bitta Korzinka Plus kartasiga mahsulotning 2 (ikki) donasidan ko‘p bo‘lmagan miqdori uchun hisoblanadi.
7.4. Aksiyaning bir kuni davomida bitta Korzinka Plus kartasi bo‘yicha yuqori keshbek hisoblashning maksimal summasi 200 000 (ikki yuz ming) so‘m bilan cheklanadi. Ko‘rsatilgan limitdan yuqori bo‘lgan keshbek hisoblanmaydi.
7.5. Quyidagi holatlarda yuqori keshbek hisoblanmaydi:
• chegirma bilan sotilayotgan mahsulotlarga (sariq narxnomali mahsulotlar);
• “Yanada arzon narx” va “Narxiga javob” narx takliflari va kataloglarida ishtirok etayotgan mahsulotlarga;
• mahsulot va/yoki xizmatlarni xarid qilishda chegirma olish uchun bonuslardan foydalanilganda (echilganda) / sovg‘a kartalari / vaucherlar / ZoodPay orqali muddatli to‘lov limitlaridan foydalanilganda, bonuslar faqat xaridning pul mablag‘lari (naqd yoki bank kartasi) bilan to‘langan qismi uchungina ushbu qoidalarga muvofiq hisoblanadi.
Korzinka ilovasi bonuslari bilan to‘langan mahsulotlar uchun keshbek hisoblanmaydi.
8. Bonuslarning amal qilish muddati
8.1. Aksiya doirasida hisoblangan bonuslar (keshbek) cheklangan amal qilish muddatiga ega.
8.2. Bonuslarning amal qilish muddati ular sodiqlik kartasiga hisoblangan paytdan boshlab 30 (o‘ttiz) kalendar kunini tashkil etadi.
8.3. Ko‘rsatilgan muddat tugagach, foydalanilmagan bonuslar bekor qilinadi.
9. Ishtirokchilarni xabardor qilish
9.1. Aksiyada ishtirok etayotgan mahsulotlar ro‘yxati, shuningdek, keshbek miqdori (foizi) Tashkilotchining rasmiy saytidagi “Kataloglar” bo‘limida e’lon qilinadi.
10. Boshqa shartlar
10.1. Tashkilotchi istalgan vaqtda quyidagilarga haqli:
• mahsulot toifalari ro‘yxatini o‘zgartirish;
• keshbek hisoblash shartlarini o‘zgartirish;
• Aksiyani muddatidan oldin yakunlash.
10.2. Barcha o‘zgartirishlar haqida Tashkilotchi Ishtirokchilarni mavjud aloqa kanallari orqali xabardor qiladi.
10.3. Tashkilotchi aloqa kanallari ishidagi texnik nosozliklar tufayli Ishtirokchining Aksiya shartlari bilan o‘z vaqtida tanishish imkoniyati bo‘lmaganligi uchun javobgarlikni zimmasiga olmaydi.